Idiomas disponibles
Idiomas disponibles
24. Shkëputeni okluduesin nga kablloja vendosëse duke e rrotulluar këtë të fundit në drejtim të kundërt të akrepave të
orës (që tregohet nga shigjeta mbi morsën plastike).
Në rastin e pagjasë që kjo të mos jetë e mundur, shtyjeni mbështjellësen vendosëse përkundër diskut atrial të djathtë
për të vendosur mirë okluduesin dhe për të lehtësuar shkëputjen.
PARALAJMËRIM: Kur procedura të përfundojë, hiqeni me ngadalë kabllon vendosëse dhe mbështjellësen
vendosëse nga pacienti. Hiqeni me ngadalë mbështjellësen për të penguar hyrjen e ajrit.
Kujdesi pas procedurës
• Ndjekja pas procedurës duhet të bëhet sipas standardit të kujdesit të institucionit. Para se të dalë nga spitali, pacientit
duhet t'i bëhet një TEE.
• Pacientët me një efuzion të vëzhguar perikardial pas implantimit të pajisjes duhet të monitorohen nga afër me
ekokardiograma që duhen kryer vazhdimisht për t'u siguruar që efuzioni perikardial nuk po zmadhohet ose derisa të
zhduket.
• Rekomandohet ndjekja klinike nga një kardiolog, përfshi një vlerësim me ekokardiografi, sipas standardit të praktikës dhe
udhëzimeve të vendosura nga institucioni.
• Pacientët që pësojnë iktus pas implantimit të pajisjes duhet t'i nënshtrohen TEE-së për vlerësimin e formimit të trombit.
• Nëse pas implantimit të pajisjes identifikohet një tromb në anën e majtë, pacienti duhet vlerësuar për një gjendje
hiperkoagulimi dhe duhet filluar terapi me antikoagulantë (varfarinë) për të paktën tre muaj. Pas trajtimit kundër
koagulimit, duhet bërë një TEE për të konfirmuar zhdukjen e trombit që lidhet me pajisjen. Tromboliza ose heqja
e pajisjes me ndërhyrje kirurgjike duhet të merret parasysh nëse pacienti nuk përgjigjet ndaj terapisë me antikoagulantë.
• Pacientët duhen mësuar që nëse shfaqin shenja ose simptoma të luhatjes hemodinamike, të tilla si dhimbje kraharori,
aritmi, të fikët ose vështirësi në frymëmarrje, të kërkojnë përkujdesje mjekësore të menjëhershme, e cila përfshin një
ekokardiogramë.
• Pacientët duhet të marrin profilaksi të përshtatshme për endokarditin për gjashtë muaj pas implantimit të pajisjes.
Vendimi për të vazhduar profilaksinë për endokarditin pas gjashtë muajsh merret me gjykimin e mjekut.
• Pacientët duhet të trajtohen me terapi antitrombotike, të tillë si aspirina, për gjashtë muaj pas implantimit. Vendimi për të
vazhduar terapinë antitrombotike pas gjashtë muajsh merret me gjykimin e mjekut.
• Pacientët duhet të udhëzohen që të shmangin aktivitetet e lodhshme për të paktën një muaj pas implantimit të pajisjes
ose sipas udhëzimit të mjekut. Aktivitetet e lodhshme mund të shkaktojnë rrezikun e ngjarjeve negative, përfshi
erozionin. Pacientët duhen kujtuar se, në rast se shfaqin në cilindo moment simptoma të vështirësisë në frymëmarrje ose
dhimbje kraharori, veçanërisht pas aktivitetit të lodhshëm, ata duhet të kërkojnë menjëherë ndihmë mjekësore.
• Për pacientët me historik të embolisë pulmonare (EP) ose trombozës së venave të thella (TVTH), duhet të merret
parasysh terapia kronike kundër koagulimit në vend të terapisë antiagregante pas implantimit të pajisjes.
Raportimi i incidenteve të pajisjes
Nëse, gjatë kohës së përdorimit të kësaj pajisjeje, keni arsye të besoni se ka ndodhur një incident i rëndë, raportojeni te
prodhuesi. Për klientët në Bashkimin Evropian, raportojeni incidentin e rëndë tek autoriteti juaj kombëtar, si dhe te prodhuesi.
Informacionet për ruajtjen dhe trajtimin
Nuk ka kërkesa të veçanta për ruajtjen, përtej kërkesave tipike për pajisjet mjekësore.
Këto udhëzime për përdorimin janë të riciklueshme.
Asgjësimi
Aksesorët e okluduesit të PFO Amplatzer™ Talisman™ duhen klasifikuar siç duhet si rreziqe biologjike dhe të asgjësohen në
pajtim me procedurat e zbatueshme të institucionit dhe ligjet dhe rregulloret lokale dhe kombëtare. Kthejini aksesorët e
okluduesit të PFO Amplatzer™ Talisman™ tek Abbott Medical në fund të jetëgjatësisë së tyre funksionale.
Garancia
Abbott Medical i garanton blerësit se për një periudhë kohe të njëjtë me jetëgjatësinë e vërtetuar të produkit, ky produkt do të
plotësojë specifikimet e produktit të vendosura nga prodhuesi kur përdoret në përputhje me udhëzimet e prodhuesit për
përdorimin dhe se nuk do të ketë defekte në materiale dhe në mënyrën si është punuar. Sipas kësaj garancie, përgjegjësia e
Abbott Medical kufizohet në zëvendësimin ose riparimin e këtij produkti, sipas zgjedhjes së saj, në fabrikën e saj, nëse
kthehet brenda periudhës së garancisë tek Abbott Medical dhe pasi të konfirmohet se është me defekt nga prodhuesi.
PËRVEÇ RASTEVE SHPREHIMISHT TË PËRMENDURA NË KËTË GARANCI, ABBOTT MEDICAL HEQ DORË NGA ÇDO
PËRFAQËSIM APO GARANCI E ÇDO LLOJI, E SHPREHUR APO E NËNKUPTUAR, PËRFSHI ÇDO GARANCI PËR
TREGTIMIN APO PËRSHTATSHMËRINË PËR NJË QËLLIM TË CAKTUAR.
Shihni "Kushtet e përgjithshme të shitjes" për informacione të mëtejshme.
254
