inhealth technologies Blom-Singer Instrucciones De Uso página 105

Losun öryggisólar
Hægt er að aftengja öryggisólina eftir að staðfest hefur verið að vélindakragi raddventilsins
sé örugglega staðsettur inni í vélindanu upp við fremri vegg þess. Valfrjálst er að fjarlægja
öryggisólina. Þegar staðfest hefur verið að vélindakraginn hafi opnast er hægt að fjarlægja
öryggisólina af barkakraganum þeim megin sem ólin er grennri og tengist barkakraganum,
með því að klippa hana varlega með skærum (skýringarmynd 12).
Ekki má fjarlægja öryggisólina af raddventlinum ef:
y Notkun barkaslöngu eða barkaraufarhnapps getur mögulega fært raddventilinn úr stað.
y Sjúklingur hefur áður verið með raddventil með stærra þvermáli en raddventillinn sem verið
er að koma fyrir
y Þvermál barka- og vélindaástungunnar hefur verið víkkað umtalsvert meira en þvermál
raddventilsins.
y Ástand vefja umhverfis barkarauf eða líkamlegt ástand sjúklings er óvíst.
Í ofangreindum tilvikum má ekki losa öryggisólina frá raddventlinum. Límið öryggisólina við
húðina umhverfis barkaraufina með límbandi og staðfestið að raddventillinn sé tryggilega fastur.
Raddventill fjarlægður
Raddventillinn er ekki varanlegur og nauðsynlegt er að skipta um hann reglulega: hann er
ætlaður til notkunar í sex (6) mánuði en framkvæma skal klínískt mat og hafa samráð við lækninn
varðandi notkunartíma.
Þegar raddventill er fjarlægður verður að grípa tryggilega um barkakraga hans með æðatöng.
Togið þétt og varlega þar til raddventillinn hefur verið dreginn alla leið út. Setjið víkkara eða
víkkaramælibúnað af viðeigandi stærð í opið og límið hann á réttan stað í fimm mínútur áður en
nýr raddventill er settur í.
HREINSUN OG UMHIRÐA RADDVENTILS
Eftirfarandi upplýsingar um venjubundna umhirðu og hreinsun á inniliggjandi raddventli
þurfa að vera sjúklingum aðgengilegar. Tilgangurinn með hreinsun á raddventli er að fjarlægja
stíflur í holrými hans sem hafa truflandi áhrif á tal sjúklingsins meðan raddventillinn er í
barka- og vélindaástungunni. Hreinsa skal raddventilinn með Blom-Singer hreinsibursta og
Blom-Singer skolunarbúnaði. Ítarlegar upplýsingar um notkun hreinsibúnaðar er að finna í
notkunarleiðbeiningum með hreinsunarkerfi raddventilsins.
Varúð: Notið eingöngu hreinsibúnað frá Blom-Singer. Ekki setja aðra hluti en Blom-Singer
hreinsibúnaðinn inn í raddventilinn þar sem slíkt getur skemmt raddventilinn eða valdið því
að raddventillinn eða hlutar hans færist úr stað. Ávallt skal hreinsa inniliggjandi raddventil
fyrir framan spegil og beina björtu ljósi að barkaraufinni svo opni endi raddventilsins sjáist vel.
Þurrkið raddventilinn eingöngu með lófríum klúti eða bréfþurrku. Aðskotahlutir geta borist
í öndunarveg ef notaður er klútur sem skilur eftir sig ló. Notið hvorki leysiefni né vörur sem
innihalda vaselín til að hreinsa eða smyrja raddventilinn. Þessi efni geta skemmt silíkonið eða
valdið því að raddventillinn virkar ekki sem skyldi.
SÉRSTÖK SKILYRÐI UM GEYMSLU OG/EÐA MEÐHÖNDLUN
Sérstök skilyrði við geymslu og/eða meðhöndlun gilda aðeins um hlauphylkin sem eru í
pakkningunni með raddventlinum. Þau skal geyma á þurrum stað og fjarri beinu sólarljósi.
LEIÐBEININGAR UM FÖRGUN
Þessi vara er ekki lífbrjótanleg og skal teljast menguð að notkun lokinni. Fargið raddventlinum
með réttum hætti samkvæmt staðbundnum reglum.
SÉRPANTAÐAR VÖRUR
Ekki er hægt að skila sérpöntuðum vörum.
PÖNTUNARUPPLÝSINGAR
Protesi fonatorie fisse Blom-Singer
37924-01B I 105
®