inhealth technologies Blom-Singer Instrucciones De Uso página 103

FYLGIKVILLAR
Eftirfarandi fylgikvillar geta komið fram við notkun silíkonraddventla frá Blom-Singer, slíkt
er þó sjaldgæft. Þeir geta m.a. verið: mengun í barkaraufinni (opinu í gegnum hálsinn inn í
barkann) eða blóðsýking, mögulega þarf að fjarlægja raddventilinn og/eða gefa viðeigandi
sýklalyf; raddventill berst í öndunarveg sem hugsanlega krefst læknismeðferðar; útpressun
raddventilsins sem krefst þess að barka- og vélindaástungan sé víkkuð út og skipt um raddventil
í kjölfarið, ásamt viðbótareftirliti með umhirðu barkaraufarinnar; ástungan getur víkkað út, sem
veldur vökvaleka umhverfis raddventilinn; bólguviðbrögð í kringum stungustaðinn og myndun
á gróvef; tilfærsla raddventils sem getur haft það í för með sér að barka- og vélindaástungan
lokast; óviðráðanlegur leki í kringum raddventilinn sem krefst þess að ástungan sé lagfærð með
skurðaðgerð eða henni lokað; kyngingartregða (kyngingarerfiðleikar); rifur eða aðrar skemmdir
á raddventli vegna rangrar notkunar; örveruvöxtur sem veldur því að raddventillinn lekur eða
lokinn virkar ekki sem skyldi; raddventill berst í vélindað í ógáti.
NOTKUNARLEIÐBEININGAR
SJÚKLINGURINN MÁ EKKI REYNA SJÁLFUR AÐ KOMA RADDVENTLINUM FYRIR EÐA FJARLÆGJA
HANN.
Allar leiðbeiningar varðandi undirbúning raddventils, ísetningu hans og fjarlægingu eru aðeins
fyrir lækninn. Ef þú ert sjúklingur skaltu skoða hlutann „Hreinsun og umhirða raddventils". Áður en
raddventill er undirbúinn fyrir ísetningu skal athuga lokabúnaðinn til að vera viss um að hann sé
heill og virki rétt. Flipalokinn á að lokast þétt við undirstöðuna innan raddventilsins.
Raddventill settur í við barkakýlisnám (primary)
Sæfður raddventill er ætlaður til ísetningar af lækni við barkakýlisnám (ástunga og ísetning við
barkakýlisnám (primary)). Ósæfður raddventill er ekki ætlaður fyrir ísetningu við barkakýlisnám.
Raddventill settur í eftir barkakýlisnám (secondary) eða skipt um raddventil
Eftirfarandi aðferð er lýst af doktor Eric D. Blom og er ráðlögð þegar raddventill er settur í eftir
barkakýlisnám (secondary) og þegar skipt er um raddventil.
Athugið: Þegar raddventill er settur í eftir barkakýlisnám eða skipt er um raddventil skal ávallt
gera aðgerðina undir skæru ljósi sem lýsir beint á barkaraufina og barka- og vélindaástunguna.
Mælt er með notkun hanska og hlífðargleraugna. Mælið alltaf barkaraufina fyrir ísetningu
raddventils til að staðfesta að rétt lengd af raddventli sé notuð.
Útvíkkun og mæling (skýringarmyndir 1 og 2)
Heildarupplýsingar um vöruna má finna í notkunarleiðbeiningum fyrir víkkunar- / mælikerfi
Blom-Singer.
Undirbúningur raddventils
Undirbúið raddventilinn fyrir ísetningu með því að brjóta hann saman með höndunum á
viðeigandi hátt og koma honum fyrir í hlauphylkinu. Notið aðeins hlauphylki af viðeigandi stærð
sem fylgja þessari vöru. Meðhöndlið raddventilinn með hreinum hanskaklæddum höndum.
Fjarlægið raddventilinn og ísetningaraukahluti úr pakkanum (hlauphylki, innleiðingarbúnað fyrir
kraga og ísetningarverkfæri). Gangið úr skugga um að bæði hendur þínar og raddventillinn séu
alveg þurr áður en raddventillinn er settur í hlauphylkið. Sé þess ekki gætt getur hlauphylkið
leyst upp of snemma.
1. Notið aðeins styttri hluta hlauphylkisins. Fargið lengri hluta hlauphylkisins (skýringarmynd 3).
2. Brjótið vélindakragann þétt í tvennt í átt að miðju raddventilsins (skýringarmynd 4).
3. Brjótið báðar ytri brúnir samanbrotins vélindakragans þétt saman hvora gegn annarri
(skýringarmynd 5) og haldið raddventlinum í þeirri stöðu.
4. Setjið samanbrotinn hluta vélindakragans í hlauphylkið (skýringarmynd 6). Þrýstið samanbrotna
vélindakraganum varlega eins langt inn í hlauphylkið og mögulegt er.
5. Látið bogadregnu hlið innleiðingarbúnaðar kragans fylgja bogalínu raddventilsins til að koma
restinni af samanbrotna vélindakraganum varlega alveg fyrir í hlauphylkinu (skýringarmynd 7). Ekki
Blom-Singer Inniliggjandi raddventlar
®
37924-01B I 103