3M HF-800 Serie Manual Del Usuario página 35

UNDIRBÚNINGUR FYRIR NOTKUN
UMBÚÐIR FJARLÆGÐAR
Gangið úr skugga um að búnaðurinn sé heill, óskaddaður og
settur saman með réttum hætti.
Skoðun
Mælt er með eftirfarandi verklagi fyrir notkun:
1. Gáið að sprungum, rifum og óhreinindum á andlitshlíf.
Gangið úr skugga um að andlitshlífin, einkum sá hluti sem
þéttist við andlitið, sé óspillt. Efnið á að vera þjált, ekki stíft.
2. Gáið að sprungum og rifum í innöndunarlokum. Lyftið
lokum upp og gáið að óhreinindum eða sprungum í lokasæti.
3. Gangið úr skugga um að höfuðólar séu heilar og teygist
vel.
4. Gáið að sprungum eða sliti í öllum plasthlutum.
5. Fjarlægið hlífina yfir útöndunarloka og skoðið
útöndunarlokann og lokasætið með tilliti til óhreininda,
skemmda, sprungna eða rifna. Setjið hlífina yfir
útöndunarloka aftur á sinn stað.
6. Skoðið svæðið þar sem síuþéttið er (mynd 1) og athugið
hvort afmyndun eða óhreinindi/agnir gætu komið í veg fyrir að
sían þéttist að öndunarhlífinni.
7. Ef slíkt er til staðar skal ganga úr skugga um að himna í
talbúnaði sé tryggilega sett í andlitshlífina og að filma í himnu
talbúnaðar sé heil.
LEIÐBEININGAR UM
SAMSETNINGU
Leiðbeiningar um samsetningu má finna í viðeigandi
notendaleiðbeiningum (t.d. bæklingnum með 3M-síunni)
UPPLÝSINGAR UM ÁSETNINGU
1Stillið stærð höfuðhrings svo hann passi þægilega á höfuðið.
2. Setjið öndunarhlífina yfir nef og munn þannig að hún hvíli
þægilega á miðju nefinu og dragið svo höfuðspöngina yfir
kollinn. Sjá mynd 2.
3. Takið um neðri hluta ólanna, hvorn með sinni hendi,
staðsetjið ólarnar fyrir aftan hálsinn og krækið þeim saman.
Sjá mynd 3.
4. Dragið endana á ólunum til að stilla hversu þröngur
búnaðurinn er. Byrjið á stillipunktunum á höfuðhringnum og
færið ykkur að stillipunktunum fyrir aftan hálsinn. Herðið ekki
of mikið. Hægt er að losa um höfuðspöng/hálsól með því að
kreista flipa á sylgjunni á höfuðspönginni.
5. Framkvæmið prófun á yfir- og/eða undirþrýstingi í
andlitsþétti í hvert skipti sem öndunarhlífin er notuð.
Prófun á þéttleika
Prófun á undirþrýstingi í andlitsþétti
Ýtið laust á prófunarhnappinn á þéttinu og andið varlega að
ykkur (mynd 4). Ef þið finnið fyrir því að andlitshlífin dragist
lítillega saman og færist nær andlitinu án þess að loft leki á
milli andlits og andlitshlífar hefur búnaðurinn verið rétt stilltur.
Ef loft lekur út meðfram andlitsþéttinu skal endurstaðsetja
öndunarhlífina á andlitinu og/eða endurstilla spennu ólanna til
að stöðva loftlekann.
Endurtakið prófun á andlitsþétti þangað til rétt stilling finnst.
Prófun á yfirþrýstingi í andlitsþétti
Hyljið opið á hlífinni yfir útöndunarloka með hendinni og andið
varlega að ykkur (mynd 5). Ef andlitshlífin þenst svolítið út og
ekkert loft lekur á milli andlitsins og andlitshlífarinnar hefur
búnaðurinn verið rétt stilltur.
Ef loft lekur út meðfram andlitsþéttinu skal endurstaðsetja
öndunarhlífina á andlitinu og/eða endurstilla spennu ólanna til
að stöðva loftlekann.
Endurtakið prófun á andlitsþétti þangað til rétt stilling finnst.
Ef EKKI TEKST að láta hjálminn passa rétt SKAL EKKI
fara inn á hættusvæði.
Prófun fyrir hvern notanda
Allir notendur ættu að máta öndunarhlíf til samræmis við
landslög.
Hafið samband við 3M til að fá nánari upplýsingar um
verkferli við prófun fyrir hvern notanda.
Aðeins fyrir HF-800SD
Notið HF-800-03 millistykki fyrir mælingarprófun ef
framkvæma á slíka prófun.
Hægt er að framkvæma mælingarprófun með 3M™
eigindlegum prófunarbúnaði FT-10 eða FT-30 ásamt
einhverjum af CE-merktu agnasíunum.
BÚNAÐURINN TEKINN AF
Takið ekki andlitshlífina eða síurnar niður fyrr en komið
er út fyrir mengaða svæðið.
1. Losið um spennuna á höfuðólunum.
2. Lyftið andlitsgrímunni gætilega frá andlitinu og fjarlægið
öndunarbúnaðinn með því að lyfta upp og frá andlitinu.
Leiðbeiningar fyrir nýja íhluti
Farga skal íhlutum öndunarhlífar, einkum inn- og
útöndunarlokum, og skipta um þá þegar þeir eru skemmdir Ef
farga þarf íhlutum ætti að gera það í samræmi við
staðbundnar reglugerðir um heilsu- og öryggisvernd og
umhverfisvernd.
3M™ samstæða fyrir höfuðspöng og nýja lokahlíf
1. Fjarlægið samstæðu höfuðspangarinnar með því að nota
þumalinn til að ýta henni niður fyrir neðri hluta
andlitshlífarinnar og lyfta samstæðunni svo af andlitshlífinni.
(Mynd 6).
2. Skiptið um samstæðu höfuðspangar með því að staðsetja
pinnann á andlitshlífinni í grópinni efst á samstæðu
höfuðspangarinnar (mynd 7-1). Þrýstið neðri hluta samstæðu
höfuðspangarinnar inn í andlitshlífina (mynd 7-2). Þegar þetta
er rétt gert ætti að heyrast skýr smellur.
Skipt um útöndunarloka
1. Fjarlægið höfuðspöngina eins og lýst er hér á undan.
2. Fjarlægið útöndunarlokann úr lokasætinu með því að taka
utan um lokann og toga lokalegginn út úr lokasætinu (mynd
8).
3. Skiptið um lokann með því að stilla lokalegginn af svo hann
liggi við opið í miðju lokasætisins. Þrýstið lokastönginni í
gegnum opið á lokasætinu. Gangið úr skugga um að lokinn
sé fyllilega festur á lokastöngina og liggi flatur upp við
lokasætið.
4. Skiptið um samstæðu höfuðspangar eins og lýst er að
ofan.
35