Metabo W 750-125 Manual Original página 122

kk ҚАЗАҚША
4.3 Ажарлау және абразивті кесу кезіндегі
қауіпсіздік техникасы бойынша
арнайы нұсқаулар:
а) Тек электрлік құрал үшін мақұлданған
абразивті құралдарды және тиісті абразивті
құралға арналған қорғаныш қалпақты
пайдаланыңыз. Электрлік құралға арналмаған
абразивті құралдарды жеткілікті түрде жабу
мүмкін болмайды және олар қауіпті болып
табылады.
ә) Иілген ажарлағыш дөңгелектерді олардың
ажарлайтын беті қорғаныш қалпақ жиегінің
жазықтығы үстінде болмайтындай етіп
орнату керек. Қорғаныш қалпақ жиегінің
жазықтығынан жоғары шығып тұрған, қате
орнатылған ажарлағыш дөңгелекті жеткілікті
жабу мүмкін болмайды.
б) Қорғаныш қалпақ электрлік құралға берік
орнатылуы және ең жоғары қауіпсіздік
мақсатында абразивті құралдың барынша
шағын бөлігі пайдаланушыға ашық болып
тұратындай етіп реттелуі тиіс. Қорғаныш
қалпақ пайдаланушыны сынықтардан,
абразивті құралмен кенет жанасудан және
киімді тұтандыра алатын ұшқыннан қорғауға
көмектеседі.
в) Абразивті құралдарды тек ұсынылатын
мақсатына сәйкес қолдануға болады.
Мысалы: еш жағдайда кескіш дөңгелектің
бүйірлік бетімен ажарламаңыз. Кескіш
дөңгелектер материалды дөңгелектің жиегімен
алуға арналған. Кескіш дөңгелекке бүйірінен
күш қолдану оның бұзылуына әкелуі мүмкін.
г) Әрдайым зақымдалмаған қыспа фланецті
пайдаланыңыз, оның өлшемі мен пішіні
таңдалған ажарлағыш дөңгелекке сәйкес
келуі тиіс. Жарамды фланецтер ажарлағыш
дөңгелек үшін тірек болып табылады және
осылайша оның сынып қалу қаупін азайтады.
Ажарлағыш дөңгелектерге арналған фланецтер
басқа ажарлағыш дөңгелектерге арналған
фланецтерден өзгешеленуі мүмкін.
ғ) Үлкенірек электрлік құралдардың тозған
ажарлағыш дөңгелектерін пайдаланбаңыз.
Үлкенірек электрлік құралдарға арналған
ажарлағыш дөңгелектер шағын электрлік
құралдардың жоғары айналу жиілігіне
жобаланбаған және сынуы мүмкін.
4.4 Абразивті кесу кезіндегі қауіпсіздік
техникасы бойынша қосымша арнайы
нұсқаулар:
а) Кескіш дөңгелектің сыналануына немесе
тым жоғары басу қысымына жол бермеңіз.
Тым терең кесік жасамаңыз. Кескіш
дөңгелекке артық жүктеменің түсуі оның артық
керілісіне және қиғаштануға немесе сыналануға
әкеліп, абразивті құралдың керіс соққы немесе
сыну мүмкіндігін арттырады.
ә) Айналып тұрған кескіш дөңгелектің
алдында және артында тұрмаңыз. Егер
кескіш дөңгелекті дайындамамен бірге өзіңізден
ары жылжытсаңыз, кері соққы жағдайында
электрлік құрал айналып тұрған дөңгелекпен
бірге тура өзіңізге қарай лақтырылуы мүмкін.
122
б) Кескіш дөңгелек қысылып қалса немесе
жұмысты тоқтатсаңыз, құрылғыны өшіріңіз
де, дөңгелек толық тоқтағанша қолыңызда
ұстай тұрыңыз. Әлі айналып тұрған кескіш
дөңгелекті кесіктен шығарып алуға әрекет
жасамаңыз, әйтпесе кері соққы туындауы
мүмкін. Қысылу себебін анықтап жойыңыз.
в) Электрлік құрал дайындамада орналасса,
оны қайта қоспаңыз. Алдымен кескіш
дөңгелекке толық айналу жиілігіне жетуге
мүмкіндік беріңіз, тек содан кейін кесу
әрекетін абайлап жалғастырыңыз. Кері
жағдайда дөңгелек ұсталып қалуы, дайындаман
секіріп кетуі немесе кері соққы тудыруы мүмкін.
г) Кескіш дөңгелектің сыналануынан кері
соққы қаупін азайту үшін тақталар мен үлкен
дайындамаларды өңдеген кезде тіреп
қойыңыз. Үлкен дайындамалар өз салмағының
әсерінен майысып қалуы мүмкін. Дайындаманы
дөңгелектің екі жағынан, әсіресе кесік пен
жиектің жанында тіреп қою керек.
ғ) Бар қабырғаларда немесе басқа да
көрінбейтін аймақтарда батырып кескен
кезде ерекше мұқият болыңыз. Батырылатын
кескіш дөңгелек газ немесе су құбырларын,
электрлік сымдарды немесе басқа нысандарды
кескен кезде кері соққы тудыруы мүмкін.
4.5 Егеуқұм қағазымен ажарлау кезіндегі
қауіпсіздік техникасы бойынша
арнайы нұсқаулар:
а) Өлшемдері шамадан артық
қажақсыдырғыларды пайдаланбаңыз, оның
орнына қажақсыдырғы өлшемдері бойынша
өндіруші мәліметтеріне назар аударыңыз.
Тіреуіш ажарлағыш табақшалардан шығып
тұратын қажақсыдырғылар пайдаланушыға
жарақат тигізуі мүмкін және бұғатталуға,
қажақсыдырғылардың үзілуіне немесе кері
соққыға апарып соғуы мүмкін.
4.6 Сым қылшақтармен жұмыс істеу
кезіндегі қауіпсіздік техникасы
бойынша арнайы нұсқаулар:
а) Сым қылшақ әдеттегідей пайдаланылған
кезде де, оның ішінен сым бөлшектері
түсетінін ескеріңіз. Сымдарға тым жоғары
басу қысымы арқылы артық жүктеме
түсірмеңіз. Ұшпа сым бөлшектері жұқа киім
және/немесе тері арқылы оңай кіріп кетуі
мүмкін.
ә) Қорғаныш қалпақты пайдалануға кеңес
берілсе, қорғаныш қалпақ пен сым
қылшақтың жанасуына жол бермеңіз.
Тәрелкелі және табақшалы қылшақтардың
диаметрі басу қысымы мен ортадан тепкіш
күштің әсерінен ұлғаюы мүмкін.
4.7 Қауіпсіздік техникасы бойынша
қосымша нұсқаулар:
ЕСКЕРТУ – Әрдайым қорғаныш
көзілдірікті тағып жүріңіз.